హిమాచల్ ప్రదేశ్‌:ప్రపంచంలోనే అతి పొడవైన కింగ్ కోబ్రా తొలిసారి హిమాచల్ ప్రదేశ్‌లో కనిపించింది. సిర్‌మూర్ జిల్లాలోని కోలా అడవుల సమీపంలో జిర్‌నగర్‌లో ఈ కోబ్రా కనిపించింది. మోర్నింగ్ వాకింగ్‌కు వెళ్లిన పవన్ సింగ్‌ను తన పెంపుడు కుక్క అప్రమత్తం చేయడంతో పామును గుర్తించాడు. వెంటనే తన కెమెరాలో పామును బంధించాడు. కింగ్ కోబ్రాగా గుర్తించిన ఆయన ట్విట్టర్‌లో పోస్టు చేయడంతో వైరల్‌గా మారింది. దానిని వైల్డ్ లైఫ్ డిపార్టుమెంట్‌కు కూడా షేర్ చేయడంతో అధికారులు పాము ఉన్న ప్రాంతానికి చేరుకుని పరిశీలించారు. కింగ్ కోబ్రా హిమాచల్ ప్రదేశ్‌లో కనిపించడం ఇదే తొలిసారి అని స్పష్టం చేశారు. ఇది ఇతర పాములు, బల్లులను తింటుందని అధికారులు తెలిపారు.