ప్రిమియర్‌ బ్యాడ్మింటన్‌ లీగ్‌ (పీబీఎల్‌)లో శనివారం చెన్నై స్మాషర్స్‌ జట్టు 2-1తో అహ్మదాబాద్‌ స్మాష్‌ మాస్టర్స్‌పై విజయం సాధించింది. మొదట పురుషుల డబుల్స్‌లో రెకినాల్డ్‌-నందగోపాల్‌ జంట 15-13, 15-12తో క్రిస్‌ అడకాక్‌- యాంగ్‌లీ ద్వయంపై నెగ్గడంతో అహ్మదాబాద్‌ ఆధిక్యంలోకి దూసుకెళ్లింది. ఐతే తర్వాతి మ్యాచ్‌లో సింధు 15-11, 10-15, 15-12తో ప్రపంచ నంబర్‌వన్‌ తైజు యింగ్‌ను మట్టికరిపించడంతో చెన్నై స్కోరు సమం చేసింది. మూడో మ్యాచ్‌ను చెన్నై ట్రంప్‌ మ్యాచ్‌గా ఎంచుకోగా.. ఆ జట్టు ఆటగాడు లెవెర్డెజ్‌ 15-12, 12-15, 14-15తో సౌరభ్‌ వర్మ చేతిలో ఓడిపోయాడు. ఐతే చెన్నై చివరి రెండు మ్యాచ్‌ల్లో పుంజుకుని పోరులో విజేతగా నిలిచింది. అహ్మదాబాద్‌ ట్రంప్‌ మ్యాచ్‌ అయినా నాలుగో మ్యాచ్‌లో సెన్సోంబూన్సుక్‌ (చెన్నై) 15-10, 12-15, 15-14తో హెచ్‌.ఎస్‌.ప్రణయ్‌పై నెగ్గగా.. పీవీ సింధు, సుమీత్‌ రెడ్డి జోడీ 15-14, 15-13తో రెగినాల్డ్‌- కమిలా జుల్‌ (అహ్మదాబాద్‌) జంటను ఓడించింది.